سنڌ جو گورنر ڪامران ٽيسوري سيوهڻ پهتو، لعل شهباز قلندر جي مزار تي حاضري ڏني ۽ زائرين ۾ لنگر پڻ ورهايو
سيوهڻ شريف رپورٽ عبدالسلام سولنگي
سنڌ جو گورنر ڪامران ٽيسوري سيوهڻ پهتو، لعل شهباز قلندر جي مزار تي حاضري ڏني ۽ زائرين ۾ لنگر پڻ ورهايو.
سنڌ جو گورنر ڪامران ٽيسوري سومر تي سيوهڻ شريف پهتو ۽ سنڌ جي عظيم بزرگ حضرت لعل شهباز قلندر جي مزار تي حاضري ڏني، گلن جي چادر چاڙهي ۽ ملڪ جي سلامتي ۽ خوشحالي لاءِ دعا گهري. سندس خاندان به سنڌ جي گورنر سان گڏ موجود هو. سنڌ جي گورنر قلندر لال شهباز جي مزار تي زائرين ۾ لنگر پڻ ورهايو. ان موقعي تي سنڌ جي گورنر ميڊيا سان ڳالهائڻ کان معذرت ڪئي. ان کان اڳ، سنڌ جو گورنر سيوهڻ ۾ سنڌ جي وڏي وزير جي سينئر پرائيويٽ سيڪريٽري محمد سليم بجاريءَ جي رهائشگاهه تي پهتو ۽ صبح جو ناشتو ڪيو، جنهن کان پوءِ هن قلندر لال شهباز جي مزار تي حاضري ڏني. ايڊيشنل ڊپٽي ڪمشنر ڄامشورو بابر خان نظاماڻي، اسسٽنٽ ڪمشنر سيوهڻ محمد وقاص ملوڪ، ڊي ايس پي سيوهڻ فراز علي ميتلو ۽ ٻيا ضلعي آفيسر پڻ ان موقعي تي موجود هئا. سنڌ جي گورنر جي آمد جي ڪري سيوهڻ ۾ سيڪيورٽي جا انتهائي سخت انتظام ڪيا ويا هئا.
