بنگلاديش: حڪومت کي ڪيرائڻ واري شاگرد تحريڪ جو چونڊن ۾ جماعتِ اسلامي سان اتحاد ڪري ورتو
بنگلاديش ۾ اڳوڻي وزيراعظم شيخ حسينه کي اقتدار کان ڌار ڪندڙ احتجاجي تحريڪ مان جنم وٺندڙ شاگرد اڳواڻن جي تنظيم نيشنل سٽيزن پارٽي (اين سي پي) فيبروري ۾ ٿيندڙ قومي چونڊن کان اڳ جماعتِ اسلامي سان چونڊيل ڳٺجوڙ قائم ڪري ڇڏيو آهي. هن فيصلي هڪ پاسي ملڪ جي سياست ۾ نئين صف بندي کي جنم ڏنو آهي، جڏهن ته ٻي پاسي اين سي پي جي اندر گهرا اختلاف پڻ ظاهر ٿي پيا آهن.
نيشنل سٽيزن پارٽيءَ جي اڳواڻ ناهد اسلام آچر ڏينهن چيو ته گڏيل هم آهنگي خاطر پارٽي جماعتِ اسلامي سان ڳٺجوڙ جو فيصلو ڪيو آهي، جڏهن ته اميدوارن جي آخري فهرست سومر ڏينهن جاري ڪئي ويندي. پارٽيءَ جي ٻين اڳواڻن هن فيصلي کي ورهايل سياسي ماحول ۾ هڪ عملي ۽ حقيقت تي ٻڌل قدم قرار ڏنو آهي.
پر جماعتِ اسلامي سان ڳٺجوڙ واري فيصلي پارٽيءَ جي اندر ڦوٽ کي جنم ڏنو آهي. برطانيا ۾ پنهنجي علاج واري پيشاورانه راهه ڇڏي اين سي پي ۾ شامل ٿيندڙ تسنيم جارا ڇنڇر ڏينهن استعيفيٰ ڏئي ڇڏي آهي. هن اعلان ڪيو آهي ته هو ايندڙ چونڊن ۾ آزاد اميدوار طور حصو وٺندي. ان کان سواءِ پارٽيءَ جا ڪيترائي ٻيا ڪارڪن به الڳ ٿي چڪا آهن.
